BUTUAN CITY – Dili masukod ang kalipay nga gibati sa Cabadbaranon frisbee player nga si Abigail Abing, human naka-gold medal sa flying disc ultimate ang ilang grupo nga nagrepresenta sa Pilipinas atol sa 33rd Southeast Asian kon SEA Games.
Sa eksklusibong pakighinabi sa Bombo Radyo Butuan, gipadayag ni Abing nga kasaysayan kini sa Pilipinas tungod kay kini ang unang higayon nga gi-apil sa SEA Games ang maong event nga naila usab nga Ultimate Frisbee.
Gila-uman na usab matud pa kini sa team Philippines tungod kay number 1 man sa ranking ang Pilipinas sa Asya alang sa maong pa-ugnat sa kusog gawas nga contender usab sila sa world competition.
Karong naka-abot na sila sa ilang tagsa-tagsa ka panimalay ug wala pa sila’y plano, uliton una nila ang ilang bakasyon ilabina nga lima ka buwan silang nagbansay adiser ang SEA Games. Gipadayag pa ni Abing nga ang ilang duwa sa Japan niadtong Septembre, dako ang natabang aron ilang makuha ang medalyang bulawan sa Thailand SEA Games ilabina nga nakaduwa usab sila sa Portugal.
Kini bisan pa man nga daghan sa iyang mga team mates ang na-injured usa ngadto sa duha ka buwan adiser ang maong padula.
Ang ilang tinguha nga ma-ila ang dulang flying desk sa tanan mao ang nag-una nilang motibasyon nga mudula sa SEA Games nga ilang gipasalamatan pag-ayo tungod sa bonus pa nga gold medal nga ilang nasakmit. Karong na-recognize na kini, desidiso silang ipa-ila ila kini ngadto sa kabatan-unan sa tibuok Pilipinas.
Gisaysay pa ni Abing nga ang ultimate frisbee kon flying desk, mura og American football nga dulaon sa duha ka team nga duna’y tag-pito ka mga players gamit ang desk nga mura’g porma og plato kondiin matala ang score kung masawo kini pag-abot sa end zone sa team nga padulngan niini.
