BUTUAN CITY – Gi-awhag sa Catholic Bishops’ Conference of the Philippines (CBCP) ang tanang deboto nga magsuot og puti kada-Dominggo ning buwan sa Oktubre ug Nobyembre ug magbutang og puting ribbon sa mga panimalay, simbahan, ug pampublikong lugar.
Ang puti nagtimaan sa atong kinasing-kasing nga pag-ampo alang sa kalimpyo sa kasing-kasing ug sa nasud; matinud-anong paghigugma; hustisya ug kamatu-uran ug taming gikan sa mga katalagman.
Panghinaut ni CBCP President Cardinal Pablo Virgilio David, unta mahugasan ang atong nasud sa kaluoy sa Ginoo ug ipalayo sa kaala-utan.
Kini tungod sa sunod-sunod nga mga kalamidad nga mi-igo sa nasud sama sa bagyo, linog, pagbuto sa bulkan, ug uban pa, dayong athag sa matag-Kristyano nga mag-ampo og lawom alang sa atong nasud nga Pilipinas.
Mag-uban matud pa ang tanan nga nga mangaliyupo sa Diyos alang sa atong nasud.
