Nasakmit sa usa ka iring sa Dallas, Texas ang Guinness World record alang sa “Longest Jump by a cat” kon ang pinaka taas nga ambak sa usa ka binuhing iring.
Sumala sa maong record nga nasakmit matud pa iring nga ginganlan og Oscar ang maong dili basta-basta nga award human niininalayat ang 8 ka tiil ug 5 ka pulgadang gilay-on.
Gipanag-iyahan ang maong iring ni Theodore Shiells, diin sumala niini nga nagsugod matud pa ang iyahang iring sa mga simple nga tricks sama sa sit, beg, ug fetch. Apan duha ka tuig ang nilabay, namatikdan matud pa niini nga ganahan matud pa ang maong iring nga mo layat.
Tungod niini, gi train si Oscar sa iyahang amo matag adlaw. Sumala ni Shiels nga intensive matud pa ang ilahang training sa iyahang iring, rason nga sayon ra niini ang pagsakmit sa nahisgutnag titulo.
