BUTUAN CITY – Padayong gipatuman sa Department of Education kon DepEd ang ilang Catch-up Friday program base na sa nakalatid sa DepEd Memorandum no. 001 kansa gisugdan niadtong Enero 12 ning tuiga.
Sigon ni DepEd-Caraga spokesperson Pedro Tecson, hangtud nga wala’y ipagawas nga bag-ong memorandum nga mag-invalidate sa maong programa, padayon nila kining ipatuman. Gani ning mi-aging buwan, naghimo sila og mga lesson scripts alang sa maong programa sa ingon maoy gamiton sa mga magtutudlo pagtudlo sa mga magtutungha sa elementarya karong tuiga.
Ang nasangpit nga mga lesson scripts ipaagi matud pa nila sa evaluation ingon man quality assurance.
Samtang niadtong mga tunghaan nga na-obserbahan sa mga ginikanan nga wala na magpatuman niini, nagtuo si Tecson nga hayan nagplastar pa ug naghulat nga ma-finalize na ang ilang lesson scripts. Kini matud pa ang katuyu-an sa padayon nilang monitoring sa mga tunghaan aron masuta usab ang hinungdan sa wala na pagpatuman sa Catch-up Friday program.
Si DepEd-Caraga spokesperson Pedro Tecson sa pakighinabi ning sibyahan.
