BUTUAN CITY – Igo na lang nagkatawa ang mga nagsunod sa House Quad Committee hearings human nga nahatagan og kolor ang pagpangayo ni Congressman Dan Hernandez og dispensa sa usa sa ilang mga resource persons nga si Cassandra Li-Ong ug uban pang mga babayeng ilang nasinggitan sa ilang mga hearings.
Giklaro sa kongresista nga kabahin lang kini sa ilang pagpangita sa kamatu-uran dayong pahimangno kang Alice Guo sa posibleng iyang sangputan kung padayong magmagahi paghatag sa gusto nilang impormasyon.
Apan mas gitutukan sa mga nagsunod sa hearings ang pagpangayo og pasaylo sa kongresista kang Cassandra human nga gihimo na hinuon silag love team sa mikaylap nga video sa internet.
Una nang nagpagawas sa iyang yangungo si Congressman Romeo Acop tungod sa wala matud pa papgtubag ni Cassi Ong sa pangutana sa mga edaran nang kongresista apan kung si Hernandez ang mangutana, namakatikod siyang paspas kining mutubag ug lain matud pa ang tinagdanay nilang duha.
