BUTUAN CITY – Misaka pa sa P113 milyon ang insentibong nadawat ni Pinoy gymnast Carlos Edriel Yulo human nakasakmit og duha ka bulawang medalya sa 2024 Paris Olympics.
Gawas sa P20 milyones nga iyang nadawat base sa nakalatid sa Republic Act 10699 kansa mas naila sa tawag nga National Athletes and Coaches Benefits and Incentives Act, wala’g tuo pa gihapon ang mga naghatag kaniya og reward.
Gawas pa kini sa house and lot gikan sa pribadong kumpanya ingon man duha ka brand new nga kotse, anaa pa ang unlimited buffet, libreng flights gikan sa Philippine Airlines ug Cebu Pacific, ug uban pang mga kompanya.
Tungod niini, kayang mabuhi ni Yulo hangtud sa iyang pagretiro apan wala pa kini sa iyang plano tungod kay desidido pa siyang depensahan ang iyang duha ka mga korona sa 2028 LA Olympics.
