BUTUAN CITY – Gi-aprubahan ni Pangulong Ferdinand Marcos Jr. ang rekomendasyon sa Department of Social Welfare and Development kon DSWD nga patas-an ang cash grant sa mga benepisyaryo sa Pantawid Pamilyang Pilipino Program (4Ps).
Apil sa gi-aprubahan ni Pangulong Marcos jr ang sugyot nga expansion sa programa diin iapil na usab ang mga mabdos ug nagpasoso nga inahan sa 4Ps.
Dungan niini gitahasan sa Presidente ang DSWD ug ang National Economic and Development Authority kon NEDA nga ipinalisar ang mga ihap aron mapatuman ang mas taas nga 4Ps grant.
Una nang girekomenda sa DSWD nga dugangan ang kantidad sa 4Ps grant ug mahatagan usab og cash grant ang First 1,000 Days (F1KD) sa mga bata.
Magpataas kini sa adjustments sa purchasing power sa 4Ps beneficiaries ug maghatag sa insentibo aron pakusgon ang compliance sa mga kondisyon sa programa nga mutubag sa problema sa malnutrisyon ug pagkasawot.
