BUTUAN CITY – Gipa-ilalom na sa state of calamity ang lungsod sa Carmen, Surigao Del Sur tungod sa gibiling damyos sa magnitude 5.5 nga linog nga mitay-og niadtong Hulyo 13.
Ang maong deklarasyon, gipalig-on sa Sangguniang Bayan kon SB Resolution No. 20 series of 2019 nga gipapasar kagahapong adlawa.
Mahinumdumang 52 ka mga tawo ang angol tungod sa kakusog sa linog nga mitay-og pasado alas-4.42 sa buntag sa Carrascal, Surigao del Sur nga maoy epicenter sa linog kansa tectonic in origin.
Lakip sa grabeng na-apektuhan ang mga lungsod sa Lanuza, Carmen, Madrid, ug Cantilan.
Nagbilin usab kini ug damyos sama sa nangliki nga bungbong sa mga simbahan sa lungsod sa Lanuza og Carrascal diin nahugno pa ang ilang alkuba.
Nangahulog usab ang ilang mga gamit sa ospital sa lungsod sa Madrid sama sa mga computer monitors, tambal, oxygen tanks og uban pa og duna’y pipila ka damyos sa salog ilabina sa emergency room og sa ubang bahin sa ospital.
