BUTUAN CITY – Giangkon ni Angelica Poquiz Yulo nga wala silay maayong relasyon sa anak niini nga si Carlos Yulo, kini human ning gawas ang mga hugonhugon sa social media nga wala na ilha sa nasangpit nga Misis ang iyahang anak tungod sa mga posts niini nga puros ra pagdayeg sa iyahang mga anak nga mga manghud ni Carlos, kansa nailang sila si Eliza ug Karl Eldrew Yulo.
Dako usab ang kakurat sa mga netizens sa shared post sa inahan ni Carlos nga perting pagdayeg kang Shinnosuke Oka human kini ning daug sa men’s all-around final, apan wala man lang kini nag sadya sa iyahang anak.
Alayon niini, gikabutyag sa inahan ni Caloy sa eksblusibong pakighinabi sa Bombo Radyo Philippines, nga ang uyab matud pa sa atleta nga si Chloe Anjeleigh San Jose ang hinungdan ug ugat sa ilahang nagkapait na nga relasyon.
Saysay sa inahan niini nga nangsugod matud pa ang tensyon human nga gigamit usab sa uyab ni Carlos ang dormitoryo niini sa Japan, kansa mao usab untana’y tulogan sa igsoon ni Calos nga si Eldrew ug sa Teammate niini atul sa ilahang training camp sa Japan.
Dugang niini nga bawal matud pa untana sa maong dormitoryo ang mga “outsider” ilabi na nga ang maong dormitoryo kay pinondohan sa Philippine Sports Commission.
“Sa tingin niyo ba patutulugin ko ‘yung anak ko [Eldrew], menor de edad, kasama siya at ‘yung babae [Caloy ug Chloe]?”
Inahan ni Carlos Yulo nga si Angelica Yulo sa pakighinabi sa Bombo Radyo
Dugang niini nga wala makadayon og tulog ang anak niining si Eldrew ug teammate niini tungod sa kabalaka nilang makita matud pa sa mga bata ang samput sa uyab ni Carlos tungod sa kagamay sa espasyo sa maong dormitoryo.
Dugang niini, daw gipalayo matud pa ni Chloe si Carlos kanila nga pamilya.
Pagklaro pa ni Angelica nga wala silay gikawat nga kwarta gikan kang Carlos, kun duna man gani, “portion” lamang matud pa kini nga alang ra usba sa ilahang balay ug siguradong dili masakitan ang bulsa ni Carlos.
Sumala usab niini nga duna matud pay pagdumot ng mga manghud ni Caloy ngadto kaniya.
Gawas pa sa mga pasaring sa inahan ni Carlos pinaagi sa pagshare sa litrato sa Japanese Olympian kansa gidayeg niini, mapansin usab ang uban niining mga post nga bugtong ang tulo lamang niini ka mga anak nga sila Jorielgel, Eldrew, ug Elaiza ang iyahang gitag sa gipadangatan sa mahigugmaong mensahe.
Sa kasmatangan, nagbahad usab ang uyab ni Carlos nga balikan lamang niini ang maong isyu human sa vault finals ni Yulo.
