BUTUAN CITY – Nakadawat pa og dugang P20 milyon gikan sa Office of the President si Pinoy 2-gold Olympic medalist gymnast Carlos Yulo.
Gihimo ang paghatag sa nasangpit nga cash incentives sa Palasyo Malacañang pila ka oras lang human nangabot sa nasod ang mga atletang Pinoy gikan sa Paris Olympics.
Sigon usab ni Pangulong Ferdinand Marcos Jr nga gitupngan lang niini ang insentibong nakalatid sa Republic Act 10699 kon ang National Athletes, Coaches, and Trainers Benefits and Incentives Act, kansa nagkanayon nga si kinsa mang atleta nga makakuha og bulawang medalya sa Olympics kay maka dawat og P10 milyon, ug tungod kay 2 man ka bulawang medalya ang nakuha ni Yulo, duna na kini 20 milyones sumala sa nasangpit nga balaod.
Gihatagan usab ni Pangulong Marcos si Yulo og Medal of Merit kansa ginahatag lang sa mga indibidwal nga nakahimo og kalampusan sa mga international events sa natad sa literature, sciences, arts, entertainment ingon man sports kansa mamahimong tawgon nga national pride. Alatyon niini, nakadawat usab og dugang P2-milyon ang mga bronze medalist nga mga Pinay boxers nga sila si Nesthy Petecio ignon man Aira Villegas kansa gitupngan usab sa Presidente ang nakalatid nga P2-M sa balaod. Lakip ang mga wala makakuha og medalya kay gitunolan usab sa Presidente og incentives nga nagkantidad og P1-M, samtang tig-P500,000 usab alang sa mga coaches niini.
Ang pamahayag ni Presidente Ferdinand Bongbong Marcos Jr. atul sa pagsugat niini sa mga atletang Pilipino nga gikan sa Paris, France.
