BUTUAN CITY – Miyembro na sa Philippine Navy Reserve Force ang 2-time Olympic gold medalist nga si Carlos Yulo human nanumpa isip Petty Officer 1st Class niadtong Lunes sa headquarters sa Philippine Navy.
Sigon sa Pinoy Gymnast, proud siyang nahatagan sa maong pribilehiyo nga ma-enlist sa Philippine Navy Reserve Force, ilabina nga wala niya kini gila-uman. Gikalipay pa ni Yulo ug mapasigarbuhing gisuot ang uniporme sa PH Navy dayong pasalamat sa prestihiyosong pag-ila.
Samtang gidayeg ni Philippine Navy Flag Officer In Command, Vice Adm. Toribio Adaci Jr., si golden boy ug kumpiyansang himuon usab ni Yulo ang iyang pagka-reservist aron ipakita ang iyang dedikasyon, disiplina ug drive aron mahimong kampeon sa world stage, ka-uban ang mga kababayen-an ug kalalakin-an sa PH Navy nga mihalad sa ilang kinabuhi aron protektahan ang nasud.
