Nakaabot nba ang tanang 133 ka mga Cardinals sa Roma kagahapong adlawa, kini sumala na sa taho sa Vatican, subay na usab sa himoong ‘secret conclave’ ugmang adlawa, Mayo 7.
Himoon ang conclave karong Merkules, sulod mismo sa Sistine Chapel diin langkuban kini sa tanang mga Cardinals nga nag edad og 80 paubos.
Nasayran nga ang maong conclave himoon isip pagpili sa bag-ong modumala sa simbahang katoliko human ningtaliwan si Pope Francis niadtung nakalabayng bulan tungod sa komplekasyon sa iyahang sakit sa baga.
Kahibaloang nabahin sa halos duha ka mga idyolohiya ang gipaglaban karon sa mga Cardinals. Diin uban sa mga niini ang gustong ipadayon ang mga nasugdan na ni Pope Francis kaniadtu nga mas abli ug mas liberal nga simbahang katoliko. Apan uban usab kanila ang gipanglaban ang mas tradisyonal ug konserbatibong simbahan.
Kasagrang mo lungtad sa pila pa ka mga adlaw ang Conclave, diin pwedeng makadaghan nga himoon ang botohay adiser nga dunay usa lamang ang maka kuha og two-thirds boto.
Una nang nag-meeting halos matag adlaw ang ubang mga cardinals adiser pa man ang conclave arun hisgutan ang estadu sa simabahang katoliko.
Duha sa mga Cardinals kansa gikan sa Espanya ingon man sa Kenya ang dili maka lambigit sa kasamtangan nga conclave, tungod sa kakulian niini sa panglawas.
