BUTUAN CITY-gipasiugda ni Orlando Cardinal Quevedo, Archbishop Emeritus sa Cotabato, ang usa ka bag-ong panglantaw sa espirituhanong relasyon tali sa tawo ug sa Dios sa iyang pinakabag-o nga mensahe ngadto sa mga magtutuo karong Domingo sa Pagkabanhaw.
Sumala sa Cardinal, nga kasagaran maghunahuna ang mga deboto nga sila ang naghulat sa pag-anhi o paglihok ni Jesus sa ilang kinabuhi, apan iyang gipasiugda nga ang sukwahi mahimong tinuod.
Sa iyang pamalandong, gipasabot sa Kardinal nga ang presensya sa Diyos kanunay anaa ug ang tawo lamang ang kasagarang ulahi sa pagtubag o pag-ila niining presensya.
Giawhag niini ang mga Kristiyano nga mas magmabinantayon sa mga panahon nga ang Ginoo motuktok sa ilang mga kasingkasing taliwala sa adlaw-adlaw nga mga hagit.
Ang maong pamahayag ni Quevedo nagsilbing pahinumdum sa mga magtutoo nga tan-awon ang ilang espirituwal nga ka-andam ug mas pahugtan ang pakig-relasyon sa Diyos pinaagi sa pag-ampo ug patabang sa isig-kataw.
