BUTUAN CITY – Dakong garbo alang sa Caraga Region ang pagtapos sa Carascian Debate Varsity isip semi-finalists sa Asia Debate Open (Chengdu) Championship 2019 nga gipahigayon sa Holiday Inn Express Chengdu West Gate Hotel, sa China.
Girepresentahan ang debating team nila Julianne Rae Lagaac kinsa maoy Prime Minister ug Czaree Cassidy Pospia isip Deputy Prime Minister uban nila Cherry Yap ug Reymond Mosquito isip mga adjudicators.
An g UP Diliman maoy nagrepresentar sa Pilipinas alang sa Open College ug ang Caraga Regional Science High School kon CRSHS usab alang sa High School Category.
Duna’y 13 ka mga nasud nga misalmot sa maong debate kondiin apil na niini ang Indonesia, China, Singapore, Malaysia, Hongkong, Scotland, Japan, USA, South Africa, Pilipinas ug uban pa.
Gigamit sa maong tournament ang British-Parliamentary Format kondiin upat ka mga koponan ang mag-compete sa matag- round.
Unom ka rounds ang gihimo sa 60 ka mga debating teams alang sa preliminary aron mu-qualify alang sa break kondiin parehong nakasulod ang UP Diliman ug ang CRSHS kondiin ang UP Diliman nga mitapos sa 1st Place Open break (college) samtang ang CRSHS Carascian Debate Varsity nag-7th place alang sa High School Category.
Semi-finalist sa tournament ang UP Diliman samtang ang CRSHS semi-finalist usab sa High School category ug ikapito sa breaking Team.
Gipasigarbo ni Surigao City Schools Division Superintendent Florence Almaden ug sa Department of Education ang nakab-ot sa Carascian Debate Varsity tungod sa laing history in the making nga ilang nakab-ot.
