BUTUAN CITY – Giawhag sa mga otoridad ang katawhang Caraganon nga magbinantayon sa mga illegal nga transaksyon sa ginadiling drugas kansa padayon gihapong kuyanap sa rehiyson.
Sumala sa tigpamaba sa Philippine Drug Enforcement Agency kon PDEA Caraga nga si Mr. Dindod Abellanosa, gikinahanglan matud pa ang pagtinabangay sa mga katawhan, ilabi na sa mga kabarangayan, ingon man sa mga otoridad aron mapakgang ang pagkuyanap sa illegal nga druga sa Caraga.
Gikabutyag usab sa maong opisyal nga usa sa mga nag unang hinungdan nganong dali ra nga makasulod sa rehiyon ang mga illegal nga drugas, tungod kay duol raman kita sa kadagatan, nga moy agihanan sa mga illegal drug dealers. Dugang sa nasangpit nga tigpamaba nga kini usab ang nag-unang hinungdan nganong dagahan sa mga illegal drugs ang makita na lamang sa mga katubigan, tugnod kay ang uban sa mga dealers, dili naman mangagi sa mga ports diin dunay gimontar sa mga otoridad ang mga Canine Units.
Alayon niini, gisaad usab ni Mr. Abellanosa nga himoon sa pangamhanan ang tanan aron nga matubag ang maong mga isyu sa katilingban, dayun awhag niini sa mga katawhan nga makighiusa kanila sa pag pakgang sa nasangpit nga dautang binuhatan.
Giklaro usab niini nga agud daghan ang manulod sa maong binuhatan bisan kon nasayod na ang mga niini nga sayop ang ilahang gibuhat, kay tungod sa easy money lamang kini, rason nga bisan kon illegal, daghan gihapon ang ning sugal sa ilahang kinabuhi alang niini.
Kahibaloan nga hangtud ning kasamtangan, wala gihapoy regulated nga klase sa drugas sa atung ansod, dili sama sa ubang mga nasod nga dunay mga certain types sa cannabis ang mamahimong magamit sa mga pili ra usab nga mga tawo.
