BUTUAN CITY – Wala magdahom ang inahan sa Palarong Pambansa 2024 gold medalist sa discuss throw nga si Chrisbirth Crabajales, taga-Madrid, Surigao del Sur nga maka-gold kini kansa mao na unya ang sinugdanan sa katumanan sa iyang damgo nga makatungha sa kolehiyo.
Saysay ni Lodicris Crabajales, wala siya dayon makatuo nga nakadaug ang iyang anak ilabina nga wala kini insaktong training sa gym tungod sa kakulang sa ilang pangbayad rason nga wala kini insaktung gamit alang sa maong dula.
Dugang sa maong inahan, misaad na kaniya ang iyang anak nga paningkamutang makadaog niini nga palaro aron makatungha ilabina nga ila na kining gibalibaran nga mu-eskwela og kolihiyo tungod sa kawad-on samutan pa nga engineering ang gusto niiini nga kurso.
Mingtawag kaniya si Chrisbirth na nagpahibalong duna na’y kolehiyo sa kauluhang Manila nga nag-offer kaniya og libreng pagtungha kansa ila pa unyang sabutan tungod kay dili matukd pa niya makayang malayo kaniya ang magdudula.
