BUTUAN CITY – Gipasegarbo sa Caraga State University ang laing kalampusan na-usab nga nakab-ot human nag-top ang ilang mga magtutungha sa mga Licensure Examination.
Nasayrang mihimo og kasaysayan si Jenner E. Tidoy sa Caraga State University isip pinaka-unang topnotcher alang sa BS Geology’s pioneering batch, human nakuha ang ika-9 nga puwesto o 82.20% sa November 2024 Geologist Computer-Based Licensure Examination.
Sa katibuk-an 14 ka ang mipasar sa exam nga dunay passing rate nga 82.35%. Samtang sa bag-ong gipagawas nga Agriculturists Licensure Examination, nakuha ang top 8 spot usab ni Jhanilla T. Saumat gikan sa Caraga State University sa rate nga 88.51%.
Kauban niini nga mipasar ang 78 ka mga bag-ong agriculturists gikan sa universidad nga dunay passing rate nga 64.23%.
