BUTUAN CITY- Gisugdan na ang pagpamakuna ning rehiyon sa Caraga kaganinang buntag.
Gawas sa 11 ka mga priority hospitals ning rehiyon nga mapahigayonan sa vaccination rollout una nga gi-adtuan sa Department of Health kon DOH-Caraga ang Caraga Regional Hospital sa Surigao City kondiin ang tanang eligible health workers mao ang unang batch nga makadawat sa bakuna.
Tungod niini ang pinaka una nga babaeng Caraganon nga nakadawat sa bakuna nga CoronaVac sa nasangpit nga hospital mao si Ms. Grace Platil, Nurse V sa Caraga Regional Hospital.
Gisundan kini sa unang Caraganong lalaki nga nabakunahan usab mao si Dr. Angel Eugenio Batac, Medical Specialist II ug Head sa Department of Family Medicine sa maong hospital ,ingon man si Dr. Kenneth Jay-R Alberca, Medical Specialist II sa Caraga Regional Hospital nga nakadawat na sa CoronaVac ingon man ang uban pang mga empleyado sa maong hospital.
Madumdumang miabot niadtong Byernes sa alas 11 sa buntag ang 9,000 ka mga bakuna nga ipang apod-apod sa 11 ka mga healthcare facilities ning rehiyon.
Ug sa Caraga Regional Hospital sa Surigao City, anaa sa kinatibuk-ang 650 vaccines ang gipadala aron itupok sa mga healthcare workers.
Samtang gilaumang ugmang adlawa, ipahigayon na usab ang vaccintion roll out sa ubang health facilities ning rehiyon.
