-- ADVERTISEMENT --
BUTUAN CITY – Pasado sa Sangguniang Panlungsod sa Surigao City ang resolusyon nga nag-awhag sa Department of Health kon DOH-Caraga nga dili na mag-refer og COVID-19 patient o kaha ‘Patient Under Investigation’ kon PUI ngadto sa Caraga Regional Hospital.
Atol sa ilang ika-13 nga regular session kagahapon nga gi-preside ni city councilor Cacel Azarcon, hini-usang gi-aprubahan sa city council ang miosyon nga giduso ni city councilor Joshua Emilio Geli alang sa Caraga Regional Hospital.
Kini aron limitahan na ang pagdawat og mga PUIs kondiin bugtong kadto lamang gikan sa mga lalawigan sa Surigao del Norte ug Dinagat Islands ang dawaton, rason nga ang mga gikan sa ubang mga lalawigan sa Caraga Region, dili na dawaton.
