BUTUAN CITY- Gibuksan na karong adlawa, Mayo 5 ang Caraga Regional Athletic Games (CaRAGa) 2024 kansa gipahigayon sa Datu Lipus Makapandong Gov. D.O. Plaza Sports Complex in Patin-ay, Prosperidad, Agusan del Sur.
Lakip sa mga nanalmut ang mga atleta gikan sa Agusan del Norte SPARTANS, Bayugan City GREEN RANGERS, Bislig City MAROON MAVENS, Butuan City PADDLERS, Cabadbaran City COURAGEOUS CRUSHERS, Dinagat ISLANDER DRAGONS, Siargao Island D’SURFERS, Surigao City MIGHTY BLUE TITANS, Surigao del Norte PHOENIX, Surigao del Sur MAVERICKS, Tandag City GOLDEN CAPITALS, ingon man ang Agusan del Sur THUNDERS.
Alayon niini, gikalipay sa mga opisyale sa Agusan del Sur ang nasangpit nga kalihukan, tungod kay sumala pa ni Governor Santi Cane Jr., nahitabo na gayud ang pangandoy og damgo ni anhing Governor Democrito Plaza nga mamugna ang Datu Lipus Makapandong Gov. D.O. Plaza Sports Complex kansa mamahimong maka hawid og mga major sporting events, dili lang sa ilahang probinsya, kundili pati na sa tibook Caraga region.
Sigon usab sa gobernador nga ipakita nila sa ilahang probinsya ang suporta ngadto na sa mga mangdaug nga mga atleta sa nasangpit nga padula, pinaagi sa pag tanyag sa ilahang sports complex alang sa month-long in-house training sa mga bata nga mag sugod karong Hunyo.
Ang mga modaug nga atleta sa Caraga Regional Athletic Games (CaRAGa) 2024, maoy ipadala sa dakbayan sa Sugbo alang sa Palarong Pambansa 2024.
