BUTUAN CITY – Wala pa’y natalang kaso sa African Swine Fever kon ASF ang Department of Agriculture kon DA-Caraga karong unang buwan sa tuig 2025. Sa eksklusibong pakighinabi ning sibyahan, gibutyag ni Dr. Ashley Nono, ang ASF focal person sa maong ahensya, niadtong Disyembre ning mi-aging tuig 2024, duna sila’y na-monitor nga kaso sa Brgy. Basilisa, lungsod sa Remedios T. Romualdez kon RTR ug sa Brgy. Taguibo dinhi sa Butuan City parehong sakop sa Agusan del Norte ingon man sa Brgy. Poblacion ug Unidad, lungsod sa Cagwait, Surigao del Sur.
Apan wala matud pa’y angayang kabalak-an tungod kay ila na kining gi-aksyunan ug na-contain na.
Sa pagkakaron, ubay-ubay na matud pa sa mga hog raisers ang namalik pagpamuhi og baboy kansa wala’y angayang kabalak-an basta musunod lang sa hugot nga gipatumang bio-security measures. Gipahimangnuan niini ang mga backyard hog raisers nga mintinahon lang ang kahinlo sa ilang mga tangkal ukg adlaw-adlawon ang pag-disinfect niini.
Si Dr. Ashley Nono, ang ASF focal person sa Department of Agriculture-Caraga sa pakighinabi sa Bombo Radyo.
