BUTUAN CITY – Mi-abot na sa kapin usa ka gatus ang natalang mga aftershocks SA Philippine Volcanology and Seismology (PhiVolcs) Surigao human gitay-og pasado alas-7:55 kagabii sa magnitude 5.9 nga linog ang tibuok Caraga Region og mga kasikbit niining lalawigan.
Sigon ni Daphne Agonia sa Phivolcs-Surigao sa eksklusibong pakighinabi sa Bombo Radyo Butuan, bisan og kusog ang maong pagtay-og pasado alas-7:55 kagabii sa lungsod sa General Luna sa Siargao Islands nga mi-abot sa magnitude 5.9, apan wala pa kini’y saktong kusog aron mu-generate og tsunami.
As of alas-siete karong buntag lang, mi-abot na sa 131 ang natalang aftershocks kondiin kadaghanan sa mga niini natala sa lungsod gihapon sa General Luna sa Siargao Islands kondiin ang pinakakusog mi-abot sa magnitude 4.7.
Ang linog nga duna’y giladmong 19 kilometro ug tectonic ang gigikanan, nabati sa Surigao City og Butuan City nga anaa sa Intensity V, Intensity IV usab sa Gingoog City, Intensity III sa Cagayan de Oro City; Borongan City; Cebu City, Intensity II sa Catbalogan City og Intensity I sa Kidapawan City; Lapu-Lapu City; Argao City og lungsod sa Alabel, sa Sarangani province. (Bombo Rolan Janea)
