BUTUAN CITY – Nagpabiling COVID-19 free karon ang Caraga Region base na sa gipagawas nga situational report sa Department of Health-Center for Health and Development-Caraga kon DOH-CHD Caraga.
Duna na lama’y 13 ka mga ‘Patients Under Unvestigation’ kon PUIs ang Caraga Region kondiin duha niini ang anaa pa sa ospital samtang napulo ang gipa-ilalom sa istriktong home quarantine ug usa ang patay nga duna’y pre-existing condition tungod sa iyang gihambing chronic kidney disease.
Base sa COVID-19 Situational Report No. 47 sa maong ahensya, pito sa mga niini ania sa Butuan, tag-usa sa Agusan del Norte ug Surigao City samtang tag-duha usab sa Surigao del Norte ug Surigao del Sur.
Aron masigurong dili makasulod sa rehiyon ang gikahadlukang Coronavirus, nag-iyahay na pagpatuman og preventive measures ang mga local government units.
