BUTUAN CITY – Nakig-partner ang Philippine Economic Zone Authority kon Peza sa Department of Environment and Natural Resources kon DENR aron molantaw og yuta nga himoong economic zones, diin ang rehiyon sa Caraga ang gikonsiderang pilot area.
Gipirmahan sa Peza ang memorandum of understanding (MOU) kauban ang DENR sa nakalabay nga adlaw.
Sigon ni DENR Assistant Secretary Michelle Go nga anaa na sila sa ang-ang sa pagtumbok sa potential ecozone areas sa Caraga og laing pito pa.
Ang Caraga, gikonsiderang timber corridor sa nasud, nga naglangkub sa probinsiya sa Agusan del Norte, Agusan del Sur, Surigao del Norte, Surigao del Sur ug Dinagat Islands. Ang MOU signing magsilbing initial og broad framework of understanding tali sa Peza og DENR ngadto sa tinguha mha makatumbok og public lands sa tibook nasud.
Kini aron masabwag ang ecozones nga mahimong drayber sa paglambo sa ekonomiya gawas sa National Capital Region.”
Ilalom sa MOU, mitugot ang DENR nga maghatag og inventory sa public lands lakip na sa isla ilalom sa ahensiya ngadto na usab sa Peza sa tumong nga makahimo og feasible development sa sustainable mineral ug agro-forestry processing economic zones, oil depots, refinery ecozones, eco-tourism ug agro-industrial special economic zones.
Sigon ni Peza Director General Charito Plaza anaa na sa listahan ang Caraga og ang tumong mabalik ang wood industry sa rehiyon. Ang Caraga ang pinakadakong kakahuyan og minahan sa nasud.
