BUTUAN CITY – Tulo na ang natalang kaso sa mga firecracker-related injuries dinhi sa Caraga Region human natala sa Department of Health kon DOH regional office ang duha ka mga bag-ong kaso nga nadugang sa unang natala gikan sa San Luis, Agusan del Sur.
Sa eksklusibong pakighinabi sa Bombo Radyo Butuan, gibutyag ni Dr. Glenn Tiangha sa Center for Health and Development Department of Health kon CHD DOH-Caraga nga ang duha ka mga bag-ong kaso naggikan sa Cabadbaran City ug sa lungsod sa Las Nieves, parehong sakop sa lalawigan sa Agusan del Norte.
Sigon sa opisyal nagrabehan ang 17-anyos nga bayong-bayong sa Cabadbaran City kinsa migamit og triangle tungod kay maayo mang pagkabungkag ang iyang walang kamot nga posibleng wala matud pa dayon malabay sa biktima ang triangle hinungdan sa na-angkon niyang injury.
Samtang ang ikaduhang kaso mao ang usa ka 9-anyos nga batang lalaki sa lungsod sa Las Nieves nga nabuthan og boga kondiin na-apektuhan ang iyang mata.
Na-break matud pa karong tuiga ang ilang natalang zero incident ning mi-aging tuig og posibleng tungod kini sa iya-iya lang nga pagpabuto sa mga biktima nga pulos minor-de-edad tungod kay kadaghanan matud pa sa mga local government units ning rehiyon, nag-ban pa sa pagpamaligya og mga pabuto.
Padayong nanawagan si Dr. Tiangha sa tanan nga likayan ang paggamit og mga pabuto aron malikayan usab ang kadaut nga mahatod niini.
Padayon usab ang ilang monitoring sa ingon niini nga mga kaso dayong awhag sa mga hamtong nga maoy mag-monitor sa ilang mga membro sa pamilya ilabina sa mga minor-de-edad sa ingon malikayan ang mga firecracker-related injuries.
