BUTUAN CITY – Nakakuha na og usa ka silver medal ang Caraga Region subay sa nagpadayong Palarong Pambansa 2025 sa Ilocos Norte. Kini pinaagi ni Mary Jane Magbanua sa Libertad National High School sa Brgy. Libertad, Bunawan, Agusan del Sur sa athletics event human nga siya ang ikaduha sa 300-meter run secondary girls.
Sigon ni Pedro Tecson, tigpamaba sa Department of Education kon DepEd-Caraga, ubos sa training ni Roel Algofera ilawom sa mga coaches nga sila Dina Mae Montilla ug Mary Apple Miranda, ang AgSurnon runner.
Ang ubang mga dula kagahapon nga nangdaug, mao ang volleyball secondary boys batuk sa Bangsamoro Autonomous Region in Muslim Mindanao kon BARMM; basketball 5-on-5 secondary boys batuk sa Cordillera Administrative Region kon CAR; table tennis elementary boys batuk sa Region 2; volleyball secondary boys batuk sa BARMM; softball secondary batuk sa CAR; secondary table tennis boys (team event) batuk sa Central Luzon; basketball girls 3-on-3 batuk sa Western Visayas ingon man sa athletics pinaagi ni Mary Jane Magbanua.
Halos tanan matud pang mga atleta sa Caraga duna’y duwa karong adlawa gawas lang sa swimming nga ugma pa sugdan. Giklaro usab sa opisyal nga duna’y atleta ning rehiyon nga gi-isolate human nagka-chicken pox.
