BUTUAN CITY – Safety og livable pa ang rehiyon sa Caraga, pasabot nga luwas matud pa ang maong rehiyon alang sa mga negosyante nga buot mamuhonan, kini sumala na sa datus nga gipagawas sa Philippine National Police kon PNP Caraga, pinaagi sa tigpamaba niini nga si Police Major Jennifer Ometer.
Sumala sa maong opisyal nga ning panahon sa ting-init kon summer season, daghan matud pang mga turista ang ningdagsa sa ubang mga tourist spot sa rihiyon sama nalang sa Siargao Island.
Dugang niini nga dili lang matud pa kini gikan nga taho sa ilahang buhatan, kundili gikan kini sa usa ka private survey, kansa nagpamatuod nga luwas ang Rehiyon sa Caraga gikan sa mga dautang elemento.
Usa matud pa sa mga gihimo sa han-ay sa kapulisan aron nga makab-ot ang maong kalinaw mao ang intensiufication sa tanang mga lugar ingon man ang police visibility. Dugang niini nga mas palig-onon pa sa kapulisan sa rehiyon ang pakig-alayon niini sa mga katawhan, tungod kay dako man kining kahimuan usab sa pag mintina sa kalinaw sa atung rehiyon.
