BUTUAN CITY – Gitaho sa Department of Health kon DOH-Caraga nga nagpabiling walay kumpirmadong kaso sa Coronavirus Disease 2019 kon COVID-19 sa rehiyon hinuon duna kini 7 ka mga ‘Persons Under Investigation’ kon PUIs.
Sa kasamtangan mu-abot usab sa 504 ka Persons under Monitoring kon PUM ang natala sa Caraga diin 89 na ang cleared sa isolation period.
Una nang nakumpirma nga tulo ka PUIs nga na-admit sa Adela Serra Ty Memorial Medical Center (ASTMMC) sa Tandag City, samtang ang duha nagpabilin na-confine sa Caraga Regional Hospital sa Surigao City.
Padayon pang gitrabaho sa regional health agency sa Research Institute for Tropical Medicine ang samples sa mga pasyente.
Sa pagkakaron lakip sa mga lakang nga gihimo sa DOH ang paglusad sa Caraga Kontra Covid-19, pagmugna sa Regional Contingency Plan, pag-preposition sa dugang logistics ngadto sa health facilities nga nag-atiman sa mga PUIs, pagpanghatag og Covid-19 Clinical Practice Guidelines ngadto sa maong mga pasilidad ug padayong pagpagana sa DOH OPerational Center.
Anaa pa ang padayong pakig-alayon ngadto sa Bureau of Quarantine Central Office og DOH National Emergency Operation Center alang sa PUM Contact Tracing, hugot nga koordinasyun sa RITM ug National EOC alang sa specimen transport and testing ug istriktong monitoring sa PUMs kauban ang LGUs.
