BUTUAN CITY – Target karon sa Philippine Economic Zone Authority kon PEZA nga himuong model region sa tibuok nasud sa Pilipinas ang Caraga alang sa gihingusgan nila karong pagmontar ig nagkada-iyang klase sa economic zones.
Kamatu-uran niini, ning mi-aging semana iyang gilibot sa Nasippit, Agusan del Norte ang potential investor ilabina sa dugay nang giplanuhang Nasipit, Agusan del Norte Industrial Estate-Special Economic Zone kon NANIE-SEZ nga ipahimutang sa Brgy. Camagong.
Ang nasangpit nga investor mao matud pay muhatag og pundo, mu-develop, ug mas mupakusog pa sa NANIE.
Sa eksklusibong pakighinabi sa Bombo Radyo Butuan, gipadayag ni PEZA Director General Charity ‘Ching’ Plaza nga pinaagi unya niini, daghang mga investors ang ma-imbitar sa Pilipinas gikan sa managlahing industriya aron mububo og puhunan sa maong mga ecozones.
Karon pa lang, nakita na sa opisyal nga interesadong mububo og puhunan ang ila nang nakasabot nga mga investors human personal nga nakita ang nahimutangan sa NANIE-SEZ.
