BUTUAN CITY – Nakalista ang Center for Health Development kon CHD-Caraga og 3 ka bag-ong patay ug 64 ka mga bag-ong kaso sa COVID-19.
Ang mga bag-ong kaso gilangkuban sa 34 ka mga lalaki samtang 30 ang mga babaye diin 5-anyos ang pinakabata ug 86-anyos ang pinaka-edaran.
Sa maong ihap usab, pinakadaghan ang natala sa sa Agusan del Sur nga dunay 34 ka kaso nga nabahin sa lungsod sa San Francisco- 12, Bunawan- 11, Talacogon-5, tag-duha sa Esperanza ug Prosperidad samtang tag usa sa San Luis ug Trento.
Gisundan kini sa probinsya sa Dinagat Islands nga dunay 16 nga gilangkuban sa Cagdianao-8, Loreto- 3, tag duha sa Basilisa ug Dinagat samtang 1 sa Libjo ug misunod ang Surigao del Sur nga dunay upat nga nabahin sa Barobo-2, tag usa sa Cantilan ug Madrid.
Samtang tag-duha ka mga kaso usab ang natala sa Tandag City ug Bayugan City kansa tag-usa sa Buenavista ug Talaje sa Tandag City ug tag usa usab sa Fili ug Poblacion sa Bayugan City ug tulo ka mga kaso usab ang gikan sa Butuan City nga tag-usa sa Bading, Bit-os ug Fort Poyohon.
Gilangkuban usab ang tulo ka mga natalang patay sa usa ka 52-anyos nga lalaking gikan sa Trento, Agusan del Sur kansa namatay niadtong Disyembre 1, ikaduha ang 56-anyos nga babayeng taga-Cantilan Surigao del Sur nga namatay niadtong Nobyembre 30, ug ang ikatulo mao ang 79-anyos nga lalaki gikan sa Magallanes, Agusan del Norte nga namatay niadtong Disyembre 4.
Sa pagkaron, misaka pa 3,883 ang cumulative confirmed COVID-19 cases sa Caraga Region diin sa maong ihap 488 ang mga nagpaayo pa kon kadtong mga active cases, samtang 3,252 ang mga nakarekober ug 183 na ang patay.
