BUTUAN CITY – Gikan sa ubay-ubay nga natalang patay ning mi-aging mga adlaw dinhi sa Caraga Region tungod sa COVID-19, karon usa na lang ang na-report sa Department of Health kon DOH-Caraga samtang 252 ang mga bag-ong kaso nga parehong naka-isolate samtang 238 ang mga bag-ong nakarekober.
Tungod niini, misaka na ngadto sa 15,552 ang cumulative COVID-19 cases, kondiin 3,201 ang naka-isolate, 11,882 ang mga nakarekober ug 469 na ang kinatibuk-ang patay.
Sa mga bag-ong kaso, pinakadaghan ang natala sa Agusan del Sur nga mi-abot sa 61 nga gisundan sa Butuan City-59; dayon ang Dinagat Islands Province-30; Surigao del Sur-26; Surigao del Norte-22; Agusan del Norte-15; Bayugan City-13; Tandag City-12; Surigao City-7; Bislig City- 4 ug Cabadbaran City-3.
