BUTUAN CITY – Milansang na sa 8,370 ang kinatibuk-ang kaso sa COVID-19 sa Caraga Region human natala ang 41 ka mga bag-ong kaso samtang duha ang mga bag-ong patay.
Sa mga bag-ong kaso, 13 niini ang gikan ning dakbayan sa Butuan nga nabahin sa barangay Libertad nga duna’y tulo, duha sa Ambago ug tag-usa sa Baan Km3, Bancasi, Bayanihan, JP Rizal, Lumbocan, Pianing, San Vicente ug Villa Kananga.
Nadungagan usab og 12 ka kaso ang Bislig City nga nabahin sa barangay Mangagoy-12, Lawigan-2, ug tag-usa sa Poblacion , Comawas ug San Jose.
Nakalista usab og siyam ka mga kaso ang probinsya sa Dinagat Islands nga nagsumikad sa Cagdianao nga dunay tulo ug usa sa lungod sa Dinagat.
Nakatala usab og dugong tulo ka kaso ang Agusan del Norte nga naapod sa Tubay-2 ug usa sa Bueanvista. Samtang adunay tag-usa ka kaso ang Poblacion sa Cabadbaran City Gigaquit, Surigao del Norte, ug Madrid, Surigao del Sur.
Aduna pay 431 ka mga aktibong kaso sa virus ang rehiyon kondiin misaka sa 7,619 ang mga nimaayo human ang dugang 32 samtang anaa sa 320 ang mga namatay.
