BUTUAN CITY – Nagpahigayon og candle lighting ceremony ang mga Overseas Filipino Workers kon OFWs ning kadlawon lamang, oras sa Pilipinas, sa gawas nga bahin sa ICC detention Center diin kasamtangan nga napriso si kanhi Pangulong Rodrigo Roa Duterte, isip paghandom sa unang bulan niini sa nasangpit nga pasilidad.
Present sa maong kalihukan si kanhi Presidential Spokesperson Harry Roque kinsa mitulisok sa panggamhanan ni Pangulong Ferdinand Bongbong Marcos Jr. tungod sa pagkusog matud pa sa pwersa sa mga rebeldeng New People’s Army kon NPA ilawom sa iyang administrasyon.
Dugang niini, wala na matud pa ang kagawasan sa pagpadayag, ilabina nga pursigido kining ipapriso matud pa ang mga vloggers ug mga komentarista sama niya kung musulti og dautan batuk sa gobyerno.
Gisakyan pa niini ang pasangil sa ka-ubanang vlogger nga nagduot kaniyang nagplano matud pang patumbahon ang gobyerno kondiin nangayo kini og dispensa nga wala mahimo tungod kay siya ra mang usa, ug wala pa’y armas.
Dugang pangutana pa niini kung asa na ang armadong kusog sa Pilipinas nga mao unta’y manalipod sa katawhan, apan wala matud pa giprotektahan ang kanhi presidente.
Ang pamahayag ni Atty. Harry Roque.
