BUTUAN CITY – Hugot nga seguridad ang gipatuman karon sa mga otoridad sa Canada alang sa game 5 tali sa Golden State Warriors og Toronto Raptors.
Sa pakighinabi kang Bombo International Correspondent Rodge Cultura, usa ka Butuanon ug kasamtangang atua sa Canada, lakip sa preparasyon sa kapulisan sa Toronto ang ipatumang hugot nga seguridad tungod higayong makadaog ang Raptor, gilauman ang selebrasyon nga posibleng musangpot sa bayolenteng mga lihok.
Nasayrang usa ka daog na lang ang gikinahanglan sa Raptors aron masakmit ang kampeonato sa 2019 NBA Finals kondiin kariong adlawa himuon ang dula sa Scotiabank Arena.
Excited na kaayo ang mga Canadians sa dula karong adlawa tungod kay unang higayon kini nga hayag na kaayong makab-ot sa koponan ang kampyunato.
Tungod sa kakusog sa away, misaka sa 160 mil pesos ang ticket price alang sa pinakalayo nga lingkuranan sa Arena.
