BUTUAN CITY- Tumang kapungot ang gibati sa usa ka mag-uuma sa Pakistan dihang nakita na lamang niini ang iyahang Camel nga perting tiyabaw og humilak tungod kay giputlan man kini ug tiil.
Saysay sa tag-iya sa Camel nga si Somar Khan Bahen, nakabuhi ang maong hayop sa iyahang turil, ug gikaon niini ang mga pananom sa usa ka umahan.
Subay niini, tungod sa kasuko sa tag-iya sa maong umahan asa napaingon ang binuhing hayop, nagpatabang kini sa iyahang mga kaila sa pag putol sa usa ka tiil niini.
Gibilin ra usab sa maong grupo ang camel sa kasikbit nga umahan, maayo nalang gani, dunay nakakita sa maong camel tungod kay grabe naman ang tiyabaw niini tungod sa kasakit, rason nga na rescue gilayon kini ni Somar.
Sumala sa lokal nga media sa Sanghar District nga gusto nalang makig-areglo sa mag-uuma ngadto kang Somar tungod sa mga damyos usab nga nabuhat sa Camel sa iyahang umahan, apan wala mosugot ang usa sa mga opisyal sa maong dapit nga maareglo ang maong kaso.
Rason nga arestado gayud ang nasangpit nga grupo kansa nag putol sa tiil sa maong Camel ug mabilanggo kini sulod sa duha ka tuig.
Gihatagan usab si Somar sa lokal nga pangamhanan sa Sanghar og duha ka Camel isip hulip sa baldado niining binuhi, ug gihatagan usab ang maong camel og libreng tambal aron dali ra kining maulian.
Sa kasamtangan, anaa na sa maayong kondisyon ang maong Camel og naapaalim na sa samad nga iyahang naangkon.
