BUTUAN CITY – Ilusad sa Seoul city government sunod tuig, ang round-the-clock call center alang sa mga tawong masulub-on ug kanunay lang mag-inusara. Kini kabahin sa paningkamot sa city government nga matubag ang nagkadako nga social malady.
Tumong sa plano nga makamugna og usa ka siyudad nga wala na’y tawong maguol o kaha masulub-on pinaagi sa sistematikong pagtubag sa ilang kaguol samtang anaa pa kini sa early stages, aron dili na sila mag-inusara.
Ang maong plano punduhan sa siyudad og 329.9 milliones dolyares sulod sa lima ka tuig pinaagi sa paglusad sa Goodbye to Isolation 120, usa ka 24-oras nga call center service, karong Abril sunod tuig.
Sugdan na usab sa maong siyudad ang pag-operate sa Seoul Mind Convenience Store sa upat ka mga lokasyon sunod tuig aron mahatagan og lugar ang si bisan kinsa nga makighugoy-hugoy samtang mag-enjoy sa Seoul Ramyeon, usa ka brand nga gilusad sa siyudad.
