BUTUAN CITY – Lima ka mga tawo ang patay samtang ubay-ubay ang angol sa natigayong car bombing sa kasadpang siyudad sa Cali, Colombia, nga gipunting matud pa sa Marco Fidel Suarez Military Aviation School sa amihanang bahin sa siyudad.
Gikondena ni Cali City Mayor Alejandro Eder ang pag-atake ug naghatag kini og ganti alang niadtong makahatag og impormasyon batok sa mga responsable.
Madumdumang kagahapon Huwebes, usa ka police helicopter sa usa ka kabaryuhan sa gawas sa amihanan-kasadpang siyudad sa Medellin, ang nahagsa hinungdan sa kamatayon sa 12 ka mga tawo.
Sigon sa mga testigo, ang car bombing sa Cali nakapatay og mga sibilyan nga anaa sa kalsada ug midamyos sa daghang mga balay.
Gitawag ni Defense Minister Pedro Sánchez ang pagbusikad nga usa ka “terrorist attack” dayong basol niini ngadto sa narco cartel nga Mordisco — kansa iya sa guerrilla leader nga si Ivan Mordisco kansa mao na karon ang nabungkag na nga Revolutionary Armed Forces of Colombia kon FARC.
