BUTUAN CITY – Gikumpirma ni Captain Francisco Garello – Civil Military Operations kon CMO officer sa 36th Infantry Battalion, Philippine Army nga usa na usab ka CAFGU member ang patay sa usa ka hugnang pagpabuto nga gihimo sa mga rebeldeng New People’s Army kon NPA.
Gi-ila ang biktimang si Raymond Besingga, ulitawo og residente sa Brgy. Bajao sakop sa susamang lungsod.
Sa pakighinabi ning sibyahan, gipadayag sa opisyal nga natigayon kini sa Brgy. Lindoy lungsod sa Tago, Surigao del Sur dihang naghatag og seguridad ang kasundaluhang sakop sa 36th Infantry Battalion atol sa turn-over ceremony og pagtaud sa water pump kansa ilawom sa ilang proyektong pangkalinaw.
Hugot nga gikondena sa ilang han-ay ingon man sa lokal nga kagamhanan ang maong hitabo sa rasong naghatag kini og trauma sa mga sibilyan. (Beth Ruiz)
