-- ADVERTISEMENT --
BUTUAN CITY – Padayon pa ang gihimong imbestigasyon sa kapulisan sa Sibagat, Agusan del Sur aron ma-ilhan ang mipusil-patay sa usa ka CAFGU member og masuta ang motibo niini.
Naila ang biktimang si Reynaldo Saratobias, 30-anyos ug aktibong membro sa Patrol Base ubos sa 23rd Infantry Battalion, Philippine Army nga nakabase sa Brgy. Kioya, sakop sa maong lungsod.
Sigun ni Lt. Col. Francisco Molina, battalion commander sa 23rd IB Phil. Army gihulat pa nila ang resulta sa imbistigasyon sa Sibagat Municipal Police Station aron masayran ang kinatibuk-ang detalye sa insidente.
Gika-ingong duha ka armadong lalaki ang miduol sa biktima nga maoy mipusil kaniya samtang off duty ug midalikyat lang sa iyang umahan.
