Butuan City – Gibisitahan sa mga ROTC cadets sa Philippine Air Force sa Saint Theresa College sa Tandag City ang 36th Infantry ‘Valor’ Battalion headquarters nga nakabase sa Brgy. Dayoan, Tago, Surigao del Sur isip kabahin sa ilang educational kagahapon.
Ang maong educational tour kabahin sa house training sa Cadet Officer Qualifying Course kon COQC Class 2019 kansa duna’y 39 ka mga aspiring ROTC Cadets/Cadette, kinsa gustong maba-id ang ilang kahibalo kalabot sa AFP units ug organization.
Gipakita kanila ang static display sa squad organization, orientation ug aktwal nga pag-assemble ug pagbungkag sa mga armas ingon man pagpasaksi kanila senaryo nga maghatag kanila og kahibalo sa pagresponde sa matag-aksyon.
Gileksyunan usab kalabot sa Security Awareness alang sa ROTC sa ingon masayod sila sa malinglahon ug propaganda tactics sa CPP-NPA-NDF ilabina diha sa mga batan-on ug pagsulod nila sa mga school campuses. Gidasig ni LCol. Jezreel Diagmel, Acting Commanding Officer sa 36th IB ang mga cadets/Cadette aron madugangan ang ilang kahibalo alang sa hayag nga ugma.
