BUTUAN CITY – Nasang-at na sa City Prosecutor’s Office sa Cabadbaran City, Agusan del Norte ang reklamo batok sa duha ka ulitawong content creators kansa nag-viral, human mihimo ug video content tungod mismo sa traffic light area, sa may Barangay Mabini, sa maong siyudad.
Sumala sa tigpamaba sa Cabadbaran City government nga si Roselyn Exaure, kasong grave scandal ang ipasaka batok nila Johnriel Esma Alibio, 18-anyos, walay trabaho, residente sa Purok 6, Barangay 9, ug Elton Esma Alibio, 18-anyos, estudyante, ug residente sa Purok 6, Barangay 8, sa susamang siyudad.
Makita sa video ang nag-circulate online, nga nagbitbit og toilet bowl ang usa ka lalaki, ug gibutang kini sa tunga sa traffic light intersection, adiser naghubo ug milingkod sa toilet bowl rason nga nakahatag kini ug disturbo sa publiko, nga ningsangpot usab sa obstruction sa traffic flow.
Sa kasamtangan, gilaumang makapyansa ang mga suspetsado tungod kay bailable man ang mga kasong ipasaka batok kanila.