BUTUAN CITY – Magsugod na pagsaka ugmang adlawa ang presyo sa mga buwak nga ibaligya sa dinhi sa dakbayan sa Butuan subay sa nagkaduol na nga pagsa-ulog sa kalag-kalag karong Nobyembre uno ug dos.
Kini subay na usab sa kusog nga demand tungod sa kadaghan sa mga tawong maghalad og buwak ngadto sa lubong sa ilang nangamatay na nga mga mahal sa kinabuhi.
Sigon sa flower vendor nga si Mary Grace Esmeralda, ang ilang usa lang ka buok nga buwak nga simba nga tag-₱75.00 karon, ugma mahimo nang ₱100.00 samtang ang bouquet gikan sa ₱500.00 mahimo nang ₱700.00 ug ang ilang usa ka pongpong nga tag-₱150.00 mahimo nang ₱200.00.
Gipadayag usab niini nga ang ilang mga buwak, ilang gikompra gikan sa Davao City, Bukidnon, lungsod sa Claveria sa Misamis Oriental ingon man sa Metro Manila.
