BUTUAN CITY – Padayon karun ang pagpa-condition sa Butuanon nga Gold Medalist sa Asian Muay Thai Open Cup Invitational ilabina kay duna siya’y tsan-sa nga makadula sa Southeast Asian Games kon SEA games.
Sumala pa sa champion nga si Ejay Galendez, lumad nga taga Brgy. Dumalagan ning siyudad sa Butuan sa eksklusibong pakighinabi ning sibyahan, nga gisultihan na siya sa iyang coach nga duna kini tsansa nga makadula sa Southeast Asian kon SEA Games.
Kini tungod kay ang iyang nadag-an usab sa international competition, mao may basehan sa makaapil sa maong dula. Pagbutyag pa ni Galendez nga himoon ang SEA Games sunod tuig, Disyembre 2025
Nasayran nga ang gipahigayon nga Asian Muay Thai Open Cup Invitational gihimo sa Taipei, Taiwan niadtong Oktobre 18-21, 2024 diin nakalaban ni Galendez ang taga-Thailand sa championship round.
Gibutyag usab niini sa nakalabay nga tuig lang siya nakuha sa national team sa muay thai human usab sa giapilan nga dula nga Batang Pinoy. Kini ang rason sa hilabihan niyang kalipay tungod kay midaug siya sa pinaka-unang higayon nga misalmot siya sa international nga competition.
Sa karun, abli usab si Galendez sa hanyag sa mga dagkong tunghaan sa kauluhan nga didto magtungha. Tambag nalang niini sa mga kabatan-on nga gustong musulod sa bisan unsang sports, nga dili mahadlok sa training og dawaton ang mga kasaba sa coach kay alang raman usab kini sa imung kaugalingon.
Samtang unsahon kanunay ang pagpasalamat sa Ginoo og pangayoon nga luwas ra sa matag-dula nga apilan.
