BUTUAN CITY – Dream come true na alang sa Filipino singer nga si Lance Tupaz-Busa ang pagdaug niya sa first edition sa TV series ni American singer Michael Bolton nga Bolt of Talent.
Natawo og nagdako sa Butuan City, dili na bag-o alang sa singer ang mga talent searches, tungod kay nahimo siyang finalist sa boyband searcha nga ‘To The Top’ sa GMA-7.
Tungod sa iyang nasakmit nga kada-ugan sa TV series nga gipahigayon sa Malaysia, makakuha si Busa og usa ka record deal og uban siya sa Asian Dream Tour ni Michael Bolton isip opening act, og mahimo siyang Subaru Ambassador.
Ang Bolt of Talent champion mu-uban usab kang Michael Bolton sa iyang pagbalik sa Metro Manila karong Noyembre 3, alang sa usa ka one-night-only performance nga himuon sa Marriott Grand Ballroom. (Beth Ruiz)
