-- ADVERTISEMENT --
BUTUAN CITY – Padayong nanawagan ang pamilya sa usa ka overseas Filipino worker nga taga- Butuan City ngadto sa nasudnong kagamhanan nga tabangan sila nga ma-locate niini human ang upat ka adlaw na niyang pagkawala karong adlawa.
Naila ang maong OFW nga si Christina Sungahid alyas Crisah Mhea, hingkod ang edad, ug residente ning dakbayan sa Butuan.
Sumala sa iyang pamilya, nagtrabaho kini sa Riyadh, Saudi Arabia ug wala na na nila ma-contact pa sukad niadtong Huwebes, Hulyo 3 ning tuiga.
Sigon sa iyang higala, magbakasyon na unta kini dinhi sa nasud karong Hulyo 10, gani andam na ang plane ticket alang sa iyang pagpa-uli apan wala na nila makita pa ug dili na usab ma-contact ang iyang number ug messenger.
