BUTUAN CITY – Daghan nang nagtanyag kang Airelle Ashley Lape nga mosalmot kini sa Southeast Asian kon SEA Games human naka-gold sa dulang Arnis atul sa Palarong Pambansa 2024.
Si Airelle ang pinaka-unang nakakuha og medalya alang sa Team CaraGold, alang sa Arnis – Individual Espada Y Daga Elementary girls Division. Sumala sa apohan niining siMargie Cello nga maoy nagpadako kaniya, suportado nila ang bata kinsa nakatutok na karon sa Batang Pinoy nga padula.
Proud sila sa nakab-ot sa iyang apo, kinsa maoy ka-abag niya sa pagpaninda sa merkado higayong wala kini klase ug training.
Dugang sa apohan, kampante na siyang maka-gold si Airelle bisan tungod kay 10-anyos pa lang kini dihang nagsugod og training sa dulang Arnis ug pinaagi sa tabang sa mga coaches niini, naka-abot kini sa Palarong Pambansa.
