BUTUAN CITY – Padayon pa ang follow-up investigation nga gihimo sa mga sakop sa Butuan City Police Station kon BCPS-4 aron matumbok og masikop ang responsable sa brutal nga pagpatay sa usa ka ginang kinsa gitu-uhang gilugos pa adiser gipatay sa Brgy. Tagabaca ning siyudad.
Sigon ni P/Sr Insp. Roland Orcullo – hepe sa maong buhatan, migawas sa ilang imbestigasyon nga mi-apas matud pa ang biktimang si Roselyn Lopez, 46-anyos, residente sa Brgy. Aupagan ngadto sa iyang banang si Renato nga namista matud pa sa Purok 5-A, Brgy. Tagabaca.
Wala na kini maka-uli human milakaw ning mi-aging gabii hangtud nga napalgan na lang nga patay na kagahapon sa buntag kilid sa basakan og nawakis na ang iyang gisu-ot nga t-shirt og pantalon.
Sa pakighinabi ning sibyahan, gibutyag ni Insp. Orcullo nga duna na sila’y gipanubayan nga makonsiderang person of interest kinsa nakit-an ni Tagabaca Brgy. Kagawad Melanio Cabahog dapit sa nahitabuan pasado ala-una sa kaadlawon.
Ang maong lalaki nagdali-dali matud pa og lakaw og wala’y gisuot nga pantalon o kaha short pants. (Beth Ruiz)
