BUTUAN CITY – Partially burnt lang ang nahi-aguman sa Red Apple Fast Food and Restaurant human nga nadali pagpalong sa mga bombero ang kalayong inanay nga milatay sa ikaduhang andana niini kaganinang kaadlawon.
Sigon ni SFO4 Rodrigo Canton, padayon pa nilang gisuta ang gigikanan sa kalayo bisan og ang inisyal nilang nalantawang hinungdan mao ang pagdilaab sa panghaw niini.
Aminado si Canton nga nakatabang og dako sa daling pagpalong sa kalayo ang ka-abtik sa gwardiya pagtaho niini ngadto sa Butuan City Central Fire Station kansa gi-commend usab sa tag-iya sa maong establisamiento.
Una nang gibutyag sa gwardiyang si Ysrael Peligro nga sa iyang pag-inspeksyon, namatikdan niyang duna’y milaga-ak nga kalayo sa ubos nga bahin hinungdan nga iya kining gilantaw og nakita niyang naggikan ang kalayo sa mga gasul nga bahin sa maong establisamiento hinungdan nga dali na siyang midangop sa fire station. (Beth Ruiz)
