BUTUAN CITY – Aktibong milambigit ang Butuan City Police Office kon BCPO sa pagselebrar sa na 2025 National Women’s Month.
Sigon ni Police Lt. Crispulo Alburo, tigpamaba sa Butuan City Police Office nga gisugdan nila kini sa clean up drive niadtong Domingo sa Barangay Masao ning siyudad.
Samtang kagahapong adlawa, milambigit usab sila sa pagsugod sa selebrasyon sa national women’s month nga gipangulohan sa Regional Development Council (RDC) – Regional Gender and Development Committee (RGADC).
Ang maong selebrasyon gisugdan pinaagi sa usa ka motorcade nga nagsugod sa Guigona Park ug natapos sa CSU main campus sa Ampayon, Butuan City. Ang mga personahe sa BCPO misalmot sa programa agi’g suporta alang sa empowerment sa kababayen-an ug gender equality.
Kini dayong saad sa suporta sa mga inisyatibo nga nagpalambo sa mga katungod ug kahimtang sa kababayen-an diin saulogon usab niini ang mga kalampusan sa kababayen-an ug sa pagpaningkamot alang sa usa ka mas patas nga katilingban.”
Ang selebrasyon magpadayon sa tibuok bulan sa Marso pinaagi sa nagkalain-laing mga kalihokan, lakip na ang mga workshop, seminar, ug mga outreach program sa komunidad nga nagtinguha sa pagpataas sa kahibalo kabahin sa mga isyu sa kababayen-an ug sa pagpalambo sa gender equality.
Si Police Lt. Crispulo Alburo, tigpamaba sa Butuan City Police Office.
