BUTUAN CITY – Nakig-koordina na ang gimugnang special investigation task group ngadto sa ubang police unit alang sa posibleng pag-ila sa mga suspetsado sa pagpatay kang Judge Godofredo Abul Jr. human gipagawas ang facial composite sketch sa usa sa mga suspek.
Sigon ni P/ Sr. Insp. Emerson Alipit, tigpamaba sa Task Force Abul, duha ka mga suspetsado ang ilang gitutukan karon, kungdiin ang usa nga nabuhatan nila ug facial composite sketch mao ang misulod sa gate sa panimalay sa biktima samtang ang usa nagpabilin lang sa gigamit nga gate away vehicle.
Nagpangidaron matud pa kini ug 32 ngadto sa 34-anyos. Nangeta pa usab sila ug uban pang kuha sa CCTV Camera sa area nga posibling nakakuha human sa panghitabo.
Giklaro nalang ni Alipit nga padayong nilang gipanubayan ang madawat nga mga impormasyon aron mahatagan ug hustisya ang kamatayon sa huwis.
Lakip sa target sa task force ang makatigum ug saktong ebidensiya alang sa pagpasaka ug kaso pinaagi na usab sa tabang sa katawhan. (Mon Aplaya)
